AS CORES DO INFERNIÑO

Un sobreiral maxestuoso e a bravura das súas fervenzas son só algunhas das xoias que atoparemos ao longo dos case 21 quilómetros desta ruta, froito da fusión da Ruta dos Tres Ríos (PR-G 121) e a Ruta da Ribeira do Ulla (PR-G 93).

Os galegos somos moito de demostrar o noso cariño mediante a linguaxe da comida porque todos sabemos que se non sobra, non foi suficiente e se rematas o teu prato é porque queres outro máis. E como compartida a vida é mellor e aproveitando que a duración do roteiro vainos facer comer xuntos, leva na túa mochila ración dobre para que todos probemos a túa mellor receita!

Este percorrido ten unas características que o fan difícil para algunhas persoas, recomendamos que asistan deportistas, sendeiristas frecuentes e/ou aventureiros con ganas de monte.